अ
+
अ
अ
-
हुम्ला – हिल्सा–सिमकोट सडक आयोजनाका लागि बजेट अभाव भएको छ। आयोजनाको सिमकोट कार्यालयले वर्षेनी मागअनुसारको बजेट उपलब्ध नहुँदा काम अगाडि बढाउन समस्या भएको जनाएको छ।
आयोजना सम्पन्न गर्नका लागि १ अर्ब ८२ करोड बजेटको दायित्व आयोजनासँग रहेको आयोजनाका योजना प्रमुख बेलबहादुर नेपालीले बताए। तर, चालु आर्थिक वर्षमा राष्ट्रिय गौरवको यो आयोजनाका लागि सडकतर्फ ३४ करोड ९९ लाख र पुलतर्फ ७ करोड ९० लाख बजेट मात्र निकासा भएको उनले बताए।
उनले बजेट अभावकै कारण एउटा पुल र दुई वटा सडकको अन्तिम मूल्यांकन भएर बिल उठिसकेको भए पनि भुक्तानी दिन नसकिएको बताए।
त्यसैगरी खार्पुको पक्की पुलका लागि चालु आर्थिक वर्षमा २० लाख मात्र बजेट रहेको र त्यो बजेट पनि सकिएका कारण बजेटबिनै पुल निर्माण कार्य भइरहेको छ।
भर्खरै
लोकप्रिय
