काठमाडौँ- नेपाल विद्युत प्राधिकरणका कार्यकारी निर्देशक कुलमान घिसिङलाई सरकारले बर्खास्त गरेको विरोधमा स्वतन्त्र नागरिकहरूले बुधबार नेपाल विद्युत प्राधिकरणको कार्यालय रत्नपार्कअगाडि प्रदर्शन गरेका छन्।
प्रहरीले सडक अबरूद्ध गरी प्रदर्शन गरिरहेका प्रदर्शनकारीहरूलाई कार्यालय भित्र जान दिएको छैन। प्रहरीले प्रदर्शनकारीहरूलाई तितरबितर गर्न विभिन्न उपाय अपनाइरहेको छ तर प्रदर्शनकारी अडिग भएर कुलमानको पक्षमा नारा लगाइरहेका छन्।
प्रहरी र प्रदर्शनकारीबीच धकेलाधकेलको अवस्था भएको छ।
प्रहरीले कार्यालयअगाडिको आकाशे पुलमा रहेका सर्वसाधारणहरूलाई पनि त्यहाँबाट हटाउनुका साथै बल प्रयोग गरिरहेको छ। जवाफमा आकाशे पुलमा रहेका सर्वसाधारणले पनि प्रधानमन्त्री केपी ओलीको विरूद्धमा नारा लगाएका थिए।
सरकारले घिसिङलाई बर्खास्त गरेपछि नागरिक तहबाट उनको पक्षमा आन्दोलन भइरहेको छ।
तस्बिरहरू:
भर्खरै
लोकप्रिय
