मोरङ – मोरङको जहदा गाँउपालिकाबाट प्रहरीले १ हजार १ सय २ किलोग्राम लागुऔषध गाँजा बरामद गरेको छ। जिल्ला प्रहरी कार्यालय मोरङका अनुसार बिहीबार दिउँसो गाँउपालिकास्थित ७ नम्बर वडाका स्थानीय उमेश कामतको घरमा लुकाइराखेको अवस्थामा र अन्य स्थानबाट एकैपटक ठूलो परिमाणमा गाँजा बरामद गरेको हो।
मोरङ प्रहरीका प्रवक्ता तथा प्रहरी नायब उपरिक्षक बेदप्रकाश जोशीका अनुसार २७ वर्षीय कामतको घरबाट १ हजार ८८ किलो र जहँदा गाँउपालिका ५ स्थित अरविन साहको घरबाट १४ किलो गाँजा बरामद भएको हो। प्रहरीको टोलीले दिउँसो साढे १ बजेतिर कामतको घर खानतलासी गर्दा गाँजा फेला परेको हो।
सोही क्रममा कामतलाई समेत पक्राउ गरिएको प्रवक्ता जोशीले जानकारी दिए। त्यससंगै दिउँसो करिब २ बजे जहदाको वडानम्बर ५ का ३३ वर्षीय साहको घरबाट १४ किलो बरामद गरेको उनले बताए। उनका अनुसार साहलाई पनि प्रहरीले पक्राउ गरिसकेको छ।
पक्राउ परेका दुवै जनालाई बरामद भएको गाँजासहित जिल्ला प्रहरी कार्यालय मोरङमा राखिएको छ। प्रहरीका अनुसार बरामद गरिएको गाँजा भारततर्फ लैजाने क्रममा रहेको थियो।
भर्खरै
लोकप्रिय
