काठमाडौं- नेपाल स्टक एक्सचेञ्जले नागरिक लगानी कोषको समूह परिवर्तन गरेको छ।
विगतमा नागरिक लगानी कोषलाई वित्त समूहमा राखिएको थियो।
नेप्सेले जारी गरेको विज्ञप्ति नागरिक लगानी कोष र वित्त समूहमा रहेका कम्पनीको व्यवसायिक प्रकृतिमा भिन्नता रहेकाले समूह परिवर्तन गरिएको उल्लेख गरिएको छ।
विज्ञप्तिमा भनिएको छ, ‘समान प्रकृतिका कारोबार गर्ने कम्पनीलाई एउटै समूहमा राख्दा लगानीकर्ताले यथार्थपरक सूचना प्राप्त गर्ने हुनाले नागरिक लगानीकोषलाई आइतबार देखि वित्त समूहबाट अन्य समूहमा स्थानान्तरण गरिएको छ।’
हाल नेप्सेले सूचीकृत कम्पनीलाई बैंक, विकास बैंक, वित्त, माइक्रोफाइनान्स, होटल, जलबिद्युत, बिमा, उत्पादनमुलक, ट्रेडिङ र अन्य उपसूचक गरी १० समूहमा वर्गीकरण गरेको छ।
अन्य उपसूचकमा जलबिद्युत लगानी तथा विकास कम्पनी, नेपाल टेलिकम र नेपाल फिल्म विकास कम्पनी थिए। अब अन्य समूहमा नागरिक लगानी कोषलाई पनि समावेश गरिएको छ।
यस्तै नेप्सेले वार्षिकोत्सव अवसरमा आयोजित रक्तदान कार्यक्रममा ५२ जनाले रक्तदान गरेको जनाएको छ।
यो पनी हेर्नुहोस्:
भर्खरै
लोकप्रिय
