सुर्खेत- सुर्खेतमा पछिल्लो पाँच वर्षपछि यस वर्ष अत्यधिक चिसो बढेको छ।
विगत पाँच वर्षको तुलनामा आइतबार मध्य तथा सूदुर–पश्चिमाञ्चल विकास क्षेत्रमा अत्यधिक जाडो बढेको हो।
मध्य तथा सूदुरपश्चिमाञ्चल क्षेत्रीय हावापानी कार्यालय सुर्खेतले मापन गरेको तापक्रम अनुसार आइतबार सुर्खेतको तापक्रम शून्य दशमलव ९ डिग्री सेल्सियसमा झरेको छ।
सुर्खेतमा सन् २०१३ को जनवरी ९ मा माइनस शून्य दशमलव ७ डिग्री सेल्सियस तापक्रम पुगेको थियो।
क्षेत्रीय हावापानी कार्यालयका प्रमुख निराजन सापकोटाका अनुसार जुम्लामा न्युनतम तापक्रम माइनस ८ दशमलव ७ डिग्री सेल्सियसमा पुगेको छ।
जुम्लामा सन् १९९१ जनवरी ३ मा माईनस १३ दशमलब ८ डिग्री सेल्सियस तापक्रम पुगेको थियो।
यस्तै, नेपालगजमा न्युनतम तापक्रम ८ दशमलब ५ डिग्री सेल्सियस छ। यस अघि सन २०१३ जनवरी ९ मा १ दशमलब शून्य डिग्री सेल्सियस रहेको सापकोटाले बताए।
चिसो केही दिन बढ्ने भएकाले सजकता अपनाउन कार्यालयले नागरिकलाई आग्रह गरेको छ।
यो पनी हेर्नुहोस्:
भर्खरै
लोकप्रिय
