काठमाडौँ- महानगरपालिकालाई पूर्ण खोपयुक्त महानगर घोषणा गरिएको छ।
राजधानीमा आइतबार एक कार्यक्रम आयोजना गरी महानगरलाई पूर्ण खोपयुक्त घोषणा गरिएको हो।
महानगरका ३२ वटै वडाका १२ देखि २३ महिनासम्मका बालबालिका एक वर्षको उमेरभित्र पूर्ण खोपको पहुँचमा पुगेपछि स्वास्थ्य मन्त्रालयले महानगरलाई पूर्ण खोपको सुनिश्चितता गरेको हो।
स्वास्थ्यमन्त्री दीपक बोहोराले सरकारले निःशुल्क प्रदान गर्दै आएका ११ प्रकारका रोग विरुद्धका खोप महानगरका सबै बालबालिकाले पाइरहेको बताए।
अन्य क्षेत्रलाई पनि पूर्ण खोपयुक्त क्षेत्र घोषणा गर्ने तयारीमा मन्त्रालय रहेको उनको भनाइ थियो।
कार्यक्रममा पूर्ण खोपयुक्त महानगर हुनुमा स्थानीय स्वास्थ्य स्वयमसेविकाको महत्वपूर्ण योगदान रहेकोबारे चर्चा गरिएको थियो।
र, उनीहरुलाई सम्मान समेत गरिएको थियो। सरकारले अभियानमा स्थानीय स्वास्थ्यकर्मी, स्वास्थ्य स्वयमसेविका र वासिन्दाको सक्रियतामा पाँच वर्षदेखि विभिन्न जिल्ला, गाउँपालिका र नगरपालिलाई पूर्णखोप युक्त बनाउने अभियान चलाइरहेको छ।
यो पनी हेर्नुहोस्:
भर्खरै
लोकप्रिय
