अ
+
अ
अ
-
जनकपुरधाम– सर्लाही प्रहरीले लागुऔषधसहित तीन जनालाई पक्राउ गरेको छ। पक्राउ पर्नेमा सर्लाहीको मलंगवा नगरपालिका–१० बस्ने २८ वर्षीय शनि झा, २८ वर्षीय मुकेश पण्डित र चक्रघट्टा गाउँपालिका–२ औरही बस्ने १८ वर्षीय पंकज कुमार राउत रहेको जिल्ला प्रहरी कार्यालय सर्लाहीले जनाएको छ।
सर्लाहीका प्रहरी प्रवक्ता प्रहरी नायव उपरीक्षक सरोज राईका अनुसार बुधबार साँझा मलंगवा १० बसपार्कबाट लागूऔषध नियन्त्रण ब्युरो, शाखा कार्यालय वीरगञ्ज, पर्सा र जिल्ला प्रहरी कार्यालय सर्लाहीबाट खटिएको टोलीले विशेष सूचनाको आधारमा तीनै जनालाई चेकजाँच गर्दा उनीहरुको साथबाट नाइट्राभेट लेखिएको ८९ पातामा २ हजार ६७० वटा ट्याब्लेट बरामद गरिएको हो।
सर्लाही जिल्ला अदालतबाट ७ दिनको म्याद थप भई थप अनुसन्धान भइरहेको जिल्ला प्रहरी कार्यालय सर्लाहीले जनाएको छ।
भर्खरै
लोकप्रिय
