पूर्वराजालाई जन्मदिनको शुभकामना दिन नेता, पूर्वसुरक्षाकर्मीदेखि सर्वसाधारणसम्म (तस्बिरहरू)

काठमाडौँ – पूर्वराजा ज्ञानेन्द्र शाहले सोमबार ७९ औँ जन्मोत्सव मनाएका छन्।

पूर्वराजा शाहको जन्मदिनको अवसरमा आज निर्मल निवास सर्वसाधारणका लागि खुला गरिएको छ। उनलाई जन्मदिनको शुभकामना दिन पुगेका सर्वसाधारणका कारण निर्मल निवासमा दिनभर चहलपहल थियो।

उनलाई शुभकामना दिनका नेता, पत्रकार, पूर्वप्रशासक, पूर्वसुरक्षाकर्मीदेखि प्राज्ञिक व्यक्तिहरू र सर्वसाधारणसम्मको भीड लागेको थियो।

राष्ट्रिय प्रजातन्त्र पार्टीका अध्यक्ष राजेन्द्र लिङ्देन, पशुपति शमशेर जबरा, ज्ञानेन्द्र शाही, दिपक सिंह, कमल थापा, नवराज सुवेदी, बिना लामा, बुद्धि तामाङलगायतका नेता पूर्वराजा शाहलाई जन्मदिनको शुभकामना दिन निर्मल निवास पुगेका थिए।