अ
+
अ
अ
-
जनकपुरधाम – जनकपुरधामको एक होटलमा धारिलो हतियार प्रहार गरी एक तलामाथिबाट खसालेर युवकको हत्या गरिएको छ।
महोत्तरी गाउँपालिका–१ पर्सा बस्ने २८ वर्षीय शनि भन्ने बिमलेश यादवको हत्या गरिएको प्रहरीले जनाएका छन ।
शनिबार राति जनकपुरधामको जिरोमाइल स्थित होटल एसपी एन्ड गेस्ट हाउसमा धारिलो हतियार प्रहार गरी एक तल्ला माथिबाट खसालेको अवस्थामा युवक फेला परेका थिए।
आइतबार बिहान करिब पौने ८ बजेको समयमा उपचारको क्रममा प्रादेशिक अस्पताल जनकपुरमा युवकको मृत्यु भएको धनुषाका प्रहरी प्रवक्ता प्रहरी नायव उपरीक्षक वरुणबहादुर सिंहले जानकारी दिए। यस घटना सम्बन्धमा थप अनुसन्धान भैरहेको प्रहरीले जनाएकाे छ।
भर्खरै
लोकप्रिय
