माेरङ – कोशी प्रदेश सरकारले ल्याउन लागेको आमसञ्चारविरूद्ध प्रदेशभर प्रदर्शन गरिएको छ। नेपाल पत्रकार महासंघ कोशी प्रदेशको चरणबद्ध आन्दोलनका क्रममा बिहीबार विराटनगरस्थित मुख्यमन्त्री तथा मन्त्री परिषदको कार्यालय र अन्य जिल्लास्थित प्रशासन कार्यालयमा पत्रकारहरूले विरोध प्रदर्शन गरेका हुन्।
प्रदेश महासंघ कोशीका अध्यक्ष भरत खड्काले सरकारले ल्याउन लागिएको विधेयक सशोधनसहित अघि बढाउन माग गरे। सरकारले सदनमा पेश गरेको विधयेक अविलम्ब सच्याउन माग गर्दै उनले सरकारसँग बसेको छलफलमा समेत विभिन्न ३५ बुदामा संशोधन गर्न माग गरिएको उल्लेख गरे।
त्यसैगरी सुनसरी जिल्लाका प्रेस युनियन सभापति ध्रुव ढकालले आम सञ्चार विधयेक नसच्चिउञ्जेल आन्दोलन जारी रहने बताए। जिल्ला प्रशासन कार्यालय सुनसरीमा धर्ना दिएका सभापति ढकालले सरकार प्रेस स्वतन्त्रताप्रति सकारात्मक हुने अपेक्षा रहेको बताए।
महासंघ कोशी प्रदेश महासचिव हिमाकमारी चेम्जोङले प्रत्रकारहरूको आन्दोलन प्रदेशका सबै जिल्लामा विरोध प्रदर्शन गरिएको बताइन्।
भर्खरै
लोकप्रिय
