जनकपुरधाम – जनकपुरधाममा एक समूह र प्रहरीबीच भएको झडपमा गोली लागेर एक जना घाइते भएका छन्। आइतबार प्रहरीले चलाएको गोली लागेर जनकपुरधाम उपमहानगरपालिका २० देवपुरारुपैठाका २९ वर्षीय लक्ष्मण मुखिया रहेका छन्।
उनको दुवै घुँडामा गोली लागेकोमा प्रादेशिक अस्पताल जनकपुरधाममा उपचार भइरहेको प्रहरीले जनाएका छन् ।
प्रहरी र हिन्दु समुदायबीच भएको झडपमा ७ जना प्रहरी र केही सर्वसाधारण समेत घाइते भएका छन्। घाइतेहरुको प्रादेशिक अस्पतालमा उपचार भइरहेको छ।
जनकपुरधाम उपमहानगरपालिका २० देवपुरा रुपैठामा शनिबारसमेत झण्डाचोकमा रहेको टावरलाईट जडान भएको पोलमा लगाएको हरियो झण्डा हटाउने क्रममा दुई समुदायबीच झडप हुँदा ११ सेल अश्रु ग्यास प्रहार गरिएको थियो।
आज दुवै पक्षका अगुवा एवं प्रहरी प्रशासनबीच सहमति भएको थियो उक्त सहमति अनुसार दुवै समुदायको झण्डा हटाउने क्रममा पुनः झडप भएको हो।
भर्खरै
लोकप्रिय
