मोरङ – कोशी प्रदेशलाई पूर्णखोप सुनिश्चितता एवं दिगोपना प्रदेश घोषणा गरिने भएको छ।
विराटनगरमा बिहीबार आयोजित छलफलका क्रममा स्वास्थ्य मन्त्रालय प्रदेश खोप समन्वय समितिले भदौ २५ गते पूर्ण खोप सुनिश्चितता एवं दिगोपना प्रदेश घोषणा गर्ने जनाएको छ।
छलफलका क्रममा स्वास्थ्य निर्देशनालय धनकुटाका खोप सुपरभाइजर अधिकृत भरत भण्डारीले राष्ट्रिय खोपको लक्ष्य, उद्देश्य, अवस्था, चुनौति र आगामी कार्यदिशाको विषयमा सरोकारवाला निकायसंग छलफल गरिएको बताए। यसक्रममा खोप अधिकृत भण्डारीले गत असार ३० गतेसम्म प्रदेशका पाँच वर्षमुनीका सबै बालबालिकाहरुलाई खोप लगाइसकिएको जानकारी दिए।
उनले भने, ‘असार ३० भित्र प्रदेशभित्र रहेका पाँच वर्ष मुनीका बालबालिकाहरुलाई खोप लगाइसकिएको रेकर्ड वडा, पालिका, जिल्लाले प्रमाणीकरण गरि प्रतिवेदन दिएको छ। त्यसैले पनि हाम्रो प्रदेशपनि पूर्ण खोप सुनिश्चित भयो भनेर भदौ २५ गते सार्वजनिक गर्ने तयारीमा छौ।’
छलफलमा उनले पूर्ण खोप लगाएको घोषणा भन्दापनि बालबालिकालाई खोप लगाउनु नै ठूलो कुरा भएको बताए। उनले भने, ‘यो कार्यक्रमबाट हामीले प्रदेशमा एउटापनि बालबालिका खोपबाट बन्चित नहोस भन्ने उद्देश्यले घरघरमा पुगेर बालबालिका खोज्ने र छुटेकाहरुलाई खोप लगाउने कार्यलाई नै पूर्ण खोप मानेको छौ।’
कार्यक्रममा सरकारले कोही बालबालिका खोपबाट बञ्चित नहुन भन्ने अभियान अन्र्तगत बिद्यालय भर्ना, जन्मदर्ता, राष्ट्रिय भिटामिन ए अभियान लगायतका कार्यक्रम संचालन गर्दै आएको छ।
भर्खरै
लोकप्रिय
