अ
+
अ
अ
-
बार्सिलोना – लिभरपुलबाट स्थानान्तरण भएको दुई दिनपछि नै बार्सिलोनाका ब्राजिलियन मिडफिल्डर कोटिन्हो घाइते भएका छन्।
अन्तर्राष्ट्रिय समाचार संस्थाका अनुसार तिघ्राको चोटका कारण कोटिन्हो कम्तिमा तीन साता मैदान उत्रन सक्ने छैनन्।
यो चोट उनले लिभरपुलमै रहदा ब्यहोरेको जनाईएको छ।
बार्सिलोना भित्रिएपछि भएको मेडिकल परिक्षणपछि चिकित्सकले कोटिन्होलाई कम्तिमा तीन साता नखेल्न सुझाव दिएका छन्।
लिभरपुलमा रहदा कोटिन्होले दाया तिघ्रामा चोट बोकेको छ। उनी कम्तिमा २० दिन खेल्न सक्ने छैनन’, बार्सिलोनाले भनेको छ।
बार्सिलोनाले आफ्नो क्लब कीर्तिमानी मुल्यमा कोटिन्होलाई गत शनिबार क्लब भित्र्याएको थियो। कोटिन्होको स्थानान्तरणमा एक सय ४२ मिलियन पाउन्ड खर्च भएको थियो। २६ वर्षिय काेटिन्हाेले लिभरपुलमा ६ सिजन रहँदा दुइ सय दुइ खेलमा ५४ गाेल गरेका थिए।
भर्खरै
लोकप्रिय
