काठमाडौँ – जेन–जी आन्दोलनका क्रममा देशभर ठूलो जनधनको क्षति भएको छ।
सोमबार भएको आन्दोलनमा प्रहरीले गोली चलाउँदा एकैदिन १९ जनाले ज्यान गुमाएका थिए भने सयौंको संख्यामा घाइते भए। हालसम्म देशभर ३४ जनाको मृत्यु भइसकेको छ।
भदौ २३ गते सरकारको बर्बर दमनपछि भदौ २४ गते मंगलबार देशभर आन्दोलन उग्र बन्यो। संसद् भवन, सिंहदरबार, राष्ट्रपति भवन, सर्वोच्च अदालतलगायतमा आगजनी भयो।
आगजनीबाट देशको मुख्य प्रशासनिक केन्द्र सिंहदरबार ध्वस्त भएको छ। सिंहदरबारमा प्रधानमन्त्री तथा मन्त्रिपरिषद्को कार्यालयसहित विभिन्न मन्त्रालयमा आगजनी र तोडफोड भएको छ।
सिंहदरबारभित्र रहेका सवारीसाधन आगजनीबाट नष्ट भएका छन्। भवनहरूबाट अझै पनि धुँवा निस्किरहेको देख्न सकिन्छ। सिंहदरबारभित्र रहेका गृह मन्त्रालय, नेकपा एमाले र कांग्रेसका संसदीय दलका कार्यालय प्रदर्शनकारीहरूको निसानामा परेका छन्।
भर्खरै
लोकप्रिय
