अ
+
अ
अ
-
दाङ-दाङमा खोलामा डुबेर आमाछोरीको मृत्यु भएको छ। लमही नगरपालिका-१ बसन्तपुर निवासी ३९ वर्षीया किमा सार्की र उनकी १७ वर्षीया छोरी होलिका सार्कीको डुबेर मृत्यु भएको हो।
शुक्रबार दिउँसो करिब २ बजेतिर घरबाट करिब पाँच किलोमिटर उत्तरतर्फ रहेको चिसो खोलाको बगरे दहमा माछा मार्ने क्रममा उनीहरू डुबेका थिए।
श्रीमान भरत सार्की, श्रीमती र छोरी माछा मार्न सँगै गएका थिए। सुरुमा श्रीमती दहमा डुबेकी थिइन्। पछि उनलाइ निकाल्न छोरी पनि त्यहाँ गएको र उनी पनि त्यही डुबेकी थिइन्।
वडा प्रहरी कार्यालय लमहीका प्रमुख प्रहरी निरीक्षक रोशनराज पाण्डेयका अनुसार भरतले छोरी र श्रीमती दुवैलाइ निकाल्न कोसिस गरेपनि उद्दार सकेनन्।
मृतकहरूको शवलाई पोष्टमार्टमका लागि लमही अस्पताल ल्याइएको छ।
भर्खरै
लोकप्रिय
