जनकपुरधाम – मधेस प्रदेशमा मुख्यमन्त्री सतिशकुमार सिंह र उनको दल जनमत पार्टीका सांसद दुई कितामा बाँडिएका छन्।
जेन–जीको आन्दोलनपछि पहिलो पटक बसेको मधेस प्रदेशसभा बैठकमा जनमत पार्टीकै नेतृत्वमा प्रदेश सरकार रहे पनि मुख्यमन्त्रीबाहेकका जनमतका प्रदेशसभा सदस्यहरु प्रतिपक्षीतर्फ बसेका छन्।
मंगलबार बोलाइएको बैठकमा जनता समाजवादी पार्टी नेपाल, माओवादी केन्द्र, नेकपा एकीकृत समाजवादी पार्टीसँगै जनमतका प्रदेशसभा सदस्यहरु पनि प्रतिपक्षतर्फ बसेका हुन्।
जनमतका संसदीय दलका नेता महेशप्रसाद यादवले प्रदेश सरकारलाई दिएको समर्थन फिर्ता लिँदै आफ्नो दलका मुख्यमन्त्री र मन्त्रीलाई फिर्ता बोलाउने पत्र प्रदेश प्रमुखको कार्यालय तथा प्रदेशसभा सचिवालयमा दिएका थिए।
तर, मुख्यमन्त्री सिंहले राजीनामा दिन अटेरी गरेपछि जनमतका बाँकी प्रदेशसभा सदस्य प्रतिपक्षमा बसेका हुन्।
दलका नेता यादवले सभामुख रामचन्द्र मण्डललाई आफूहरू प्रतिपक्षमा बस्ने भनेपछि उनले सोहीअनुसार सिटको व्यवस्थापन गरेका हुन् ।
भर्खरै
लोकप्रिय
