अ
+
अ
अ
-
दाङ–तिहार पर्वलाई लक्षित गरी सुरक्षा व्यवस्था कडा पारिएको दाङमा प्रहरीले झण्डै दुई लाख रुपैयाँ बराबरका पटका बरामद गरेको छ ।
जिल्ला प्रहरी कार्यालय दाङ तथा मातहतका प्रहरी कार्यालयबाट खटिएको गस्ती टोलीले विभिन्न स्थानमा चेकपोष्ट स्थापना गरी गरिएको चेकजाँचका क्रममा ती पटका बरामद गरिएको हो ।
प्रहरीका अनुसार विभिन्न मितिमा गरिएको अभियानका क्रममा अनुमानित मूल्य एक लाख ८० हजार नौ सय २० रुपैयाँ बराबरका विभिन्न प्रकारका पटका फेला परेका हुन् । प्रहरीले ती पटका नियन्त्रणमा लिएर आवश्यक अनुसन्धान अघि बढाएको जनाएको छ ।
जिल्ला प्रहरी कार्यालयले तिहारमा हुने अवाञ्छित गतिविधि रोकथाम, आगलागीजन्य जोखिम नियन्त्रण र जनसुरक्षाका लागि निगरानी कडा बनाएको जनाएको छ । प्रहरीले बालबालिकालाई पटका प्रयोग नगर्न तथा अभिभावकहरूलाई सचेत रहन आग्रह गरेको छ ।
भर्खरै
लोकप्रिय
