जनकपुरधाम – श्रम शोषणविरुद्ध प्रदर्शन गर्दै जनकपुरधाम–ढल्केवर सडकखण्ड अवरुद्ध गरिरहेका स्वास्थ्यकर्मी र प्रहरीबीच झडप भएको छ।
मंगलबार साँझ जनकपुरधामको पिडारी चोकमा यातायात ठप्प पार्दै धर्नामा बसेका स्वास्थ्यकर्मी र प्रहरीबीच झडप भएको हो। त्यस क्रममा प्रहरीले अश्रुग्याससमेत प्रहार गरेको छ।
विभिन्न ८ बुँदे माग राख्दै तीन दिनदेखि आन्दोलनमा उत्रिएका निजी अस्पतालमा कार्यरत स्वास्थ्यकर्मीहरुले सडक अवरुद्ध गरेपछि प्रहरीसँग झडप हुँदा चार राउण्ड अश्रुग्यास प्रहार भएको हो।
मंगलबार साँझ बाटो खोलाउने क्रममा झडप भएकोमा त्यसलाई नियन्त्रण लिन अश्रुग्यास प्रहार गरिएको धनुषा प्रहरीले जनाएको छ। स्वास्थ्यकर्मीहरु बिहानैदेखि धर्नामा बसेपछि सडक ठप्प भएको थियो।
निजी अस्पतालका स्वास्थ्यकर्मीहरुले नेपाल सरकारले निर्धारण गरेको तलब स्केलअनुसार तलब पाउनुपर्ने, सुरक्षा तथा बिमाको व्यवस्था हुनुपर्ने, सरकारी अस्पतालमा करारमा कार्यरत रहेका स्वास्थ्यकर्मीलाई हटाएर लोकसेवाको माध्यमबाट स्थायी नियुक्ति गर्नुपर्नेलगायत ८ बुँदे माग राख्दै प्रदर्शन गरिरहेका छन्।
भर्खरै
लोकप्रिय
