भारतको जम्मू कश्मीरको किश्तवाड कस्बेमा गएराति भारतीय जनता पार्टीका प्रदेश सचिव अनिल परिहार र उनका भाई अजित परिहारको अज्ञात समूहले गोली हानेर हत्या गरेको छ ।
दुवैजना दाजुभाई घर फर्किरहेका बेला यो घटना भएको स्थानीय प्रहरीले जनाएको छ । उनीहरुमाथि एकदमै नजिकबाट गोली प्रहार भएको बताइएको छ ।
जम्मूकश्मीर भारतीय जनता पार्टीका जनरल सेक्रेटरी अशोक कौलले यो घटनाको पुष्टि गरेका छन् । उनले अनिल भारतीय जनता पार्टीका प्रभावशाली नेता मध्येका एक रहेको उल्लेख गरे ।
उनी लगातार दोस्रोपटक पार्टीको प्रदेश सचिव बनेका थिए । कौलले अनिल हत्याको घटना अत्यन्त निन्दनीय रहेको बताए ।
यो घटनापछि प्रशासनले किश्तवाड कस्बेमा शान्ति व्यवस्था कामय राख्न कर्फ्यू लगाएको छ । त्यहाँको स्थिती तनावपूर्ण रहेको छ ।
पार्टीका राष्ट्रीय अध्यक्ष अमित शाह र केन्द्रीय गृहमन्त्री राजनाथ सिंहले घटनाको निन्दा गरेका छन् ।
Just got the tragic news of killing of Shri Anil Parihar, Secretary @BJP4JnK, and his brother by terrorists in Kishtwar. This is a cowardly act that shames humanity. I grieve the death of my valued colleague and pray that God gives his family strength to bear this untimely loss.
— Amit Shah (@AmitShah) November 1, 2018
Shocked & pained by the killing of J&K State BJP leader Sh. Anil Parihar & his brother. My heart goes out to the bereaved family. Spoke to Advisor to J&K Governor, Sh Vijay Kumar regarding the incident. The police will leave no stone unturned to bring the perpetrators to justice.
— राजनाथ सिंह (@rajnathsingh) November 1, 2018
भारतीय प्रहरीले अहिलेसम्म हत्याराहरुको कुनै जानकारी प्राप्त भइनसकेको बताएका छन् ।
भर्खरै
लोकप्रिय
