हलिउड फिल्मको ट्रेलरमा प्रियंकालाई तीन सेकेण्ड मात्रै

प्रियंका चोपडा अहिले आफ्नो विवाहको कुराले निकै चर्चामा छिन् । यस्तैमा उनको हलिउड चलचित्र Isn’t It Romantic को ट्रेलर सार्वजनिक भएको छ । उक्त ट्रेलरका कारण पनि प्रियंका चर्चामा छाएकी छन् ।

ट्रेलरमा प्रियंका सुन्दर र शानदार त देखिएकी छन् तर प्रियंकाका समर्थक यो ट्रेलर हेरेर निराश हुन सक्छन् । किनभने ढाई मिनेटको ट्रेलरमा प्रियंकालाई मात्रै तीन सेकेण्डका लागि देखाइएको छ ।

यसअघि दीपिका पादुकोणको हलिउड चलचित्रमा पनि उनलाई निकै कम समयका लागि मात्रै ट्रेलरमा देखाइएको थियो । त्यतीबेला उनी मजाकको पात्र बनेकी थिइन् ।

प्रियंकाको अभिनय रहेको यो चलचित्र रोमान्टिक चलचित्र हो । यो प्रणय दिवसका अवसरमा रिलीज हुनेछ । चलचित्रमा लियाम हेम्सवर्थ, रिबेल विल्सन र एडम डिवाइन मुख्य भूमिकामा छन् । प्रियंकाको यो तेस्रो हलिउड चलचित्र हो ।