लामो समयदेखि प्रेमसम्बन्धमा रहेका दीपिका पादुकोण र रणवीर सिंहको विवाहको मिति नजिकिएको छ ।
उनीहरुको १४-१५ नोभेम्बरमा विवाह हुनेछ । विवाहको तयारी धुमधामका साथ चलिरहेको छ । दुवैजना विवाहका लागि इटाली गइसकेका छन् ।
उनीहरुको विवाह इटालीको आलीशान विला डेल बालडियानेलोमा हुनेछ । विवाहमा ३० जना पाहुना सहभागी हुने खबर छ ।
समुन्द्र र इन्द्रधनुषको सुन्दर दृष्य रहेको यो ठाउँ आफ्नो बनावटका कारण सबैलाई आकर्षित गर्छ । यो होटलमा यसभन्दा पहिले पनि थुप्रै स्टारहरुको विवाह भइसकेको छ ।
आफ्नो भव्यता र सुन्दरताका कारण यो होटल निकै महंगो पनि छ । यो होटलमा एकदिनवापतको १५ लाख देखि ४० लाख नेपाली रुपैयाँ सम्म तिर्नुपर्छ ।
१४-१५ नोभेम्बरमा विवाह गरेर दीपिका र रणवीर भारत फर्कनेछन् । उनीहरुले भारतमा दुई ओटा पार्टीको आयोजना गर्नेछन् । पहिलो पार्टी बेंगलोरमा हुनेछ भने दोस्रो पार्टी मुम्बईमा आयोजना हुने खबर छ ।
भर्खरै
लोकप्रिय
