विवेकहिन र निरङ्कुश शासन व्यवस्थामाथि चोटिलो व्यङ्ग्यसहितको नाटक ‘अँधेरी नगरी चौपट राजा’ राजधानीको मण्डला नाटक घरमा मञ्चन भइरहेको छ ।
भारतका चर्चित साहित्यकार भारतेन्दु हरिशंचन्द्रको यो नाटक सङ्गीत सापकोटा र आशिष घिमिरेले नेपाली भाषामा अनुवाद तथा निर्देशन गरेका हुन् । यसअघि यो नाटक काठमाडौँको थापागाउँस्थित कुञ्ज थिएटरमा मञ्चन भएको थियो ।
नाटकमा जीवन भट्टराई, श्रवण राना, संजित प्रताप मल्ल, स्लिम जीवन, आरजेश रेग्मी, सागर दाहाल, बारात लिम्बु, दीपेन्द्र शाही, पुष्कर कार्की, प्रकु पाण्डे, लगायतको अभिनय रहेको छ । क्याप मोसन पीक्चरस् र कलाशी प्रोडक्सनले निर्माण गरेको नाटकमा सङ्गीत सापकोटा र मोनिश निरौलाको संगीत छ ।
समसामयीक विषयसँग मेलखाने ब्यङग्य सहितको हास्यरस नाटकमा रहेको निर्देशक संगीत सापकोटाले बताए । उनका अनुसार एक विवेकहिन शासकको शासनका कारण नगरबासीले पाउने दुःख, उसको पतन र नयाँ आउने शासकमा पनि त्यही शासन प्रवृती नाटकको सार होे ।
मङ्सिर ७ गतेदेखि सुरु भएको नाटक २२ गते सम्म मन्चन हुने नाटककी प्रोडक्सन डिजाइनर सगुन पोखरेलले बताइन । नाटक सोमबार बाहेक हरेक दिन ५ बजे तथा शनिबार दिउसो १ बजे समेत मन्चन भइरहेको छ ।
भर्खरै
लोकप्रिय
