मन्दिरको प्रसाद खाँदा ११ जनाको मृत्यु, ७० भन्दा धेरै बिरामी

भारतको कर्नाटकमा मन्दिरको प्रसाद खाँदा कम्तिमा ११ जनाको मृत्यु भएको छ भने ७० जान बिरामी परेका छन् । उनीहरु विभिन्न अस्पतालमा भर्ना भएका छन् ।

कर्नाटकको चामराजनगर जिल्लास्थित सुलाबाडी गाउँको किच्चुकुट्टी मारम्मा मन्दिरको प्रसाद खाँदा ज्यान गुमाउने ११ मध्ये तीनजना महिला छन् ।

पूजामा सहभागी भएका तर प्रसाद सेवन नगरेका एक मरिअप्पा नामका व्यक्तिले प्रसादका रुपमा भात र टमाटर दिइएको बताएका छन् । उनका अनुसार खाएको केही बेरमै बाकबाकी लाग्ने र पेट दुख्ने समस्या सबैमा देखिएको थियो ।

उक्त प्रसाद खाएका चराहरुको पनि मृत्यु भएको छ । त्यसमा धेरै जसो काग छन् ।

प्रसाद खाएपछि चराहरुको पनि मृत्यु भएको छ।

प्रसादका बारेमा प्रहरीले खानाको नमूना संकलन गरेर अनुसन्धान अघि बढाएको छ ।