अ
+
अ
अ
-
सरकारले चिकित्सा शिक्षा आयोगको उपाध्यक्ष चयन गर्न लोकसेवा आयोगका अध्यक्ष उमेश मैनालीको नेतृत्वमा एक छनोट कमिटी गठन गरेको छ।
सरकारले चिकित्साशास्त्र अध्ययन संस्थानको डिनमा जगदीशप्रसाद अग्रवाललाई नै निरन्तरता दिने निर्णयसमेत गरेको छ। बुधबार दिउँसाेको मन्त्रिपरिषद् बैठकले यो निर्णय गरेको स्वास्थ्यमन्त्री दीपक बोहोराले जानकारी दिए।
चिकित्सा शिक्षा आयोगको अध्यक्ष प्रधानमन्त्री रहने व्यवस्था चिकित्सा शिक्षा विधेयकमा छ।
छनोट कमिटीमा प्रधानमन्त्री कार्यालयका सचिव सदस्य रहने निर्णय भएको छ भने अर्की सदस्यमा दिव्या शाह चुनिएकी छन्।
डाक्टर गोविन्द केसीसँग सरकारले गरेको सहमतिलाई मन्त्रिपरिषद् बैठकले अनुमोदनसमेत गरेको छ।
बैठकले आइओएमका डिन अग्रवाललाई निरन्तरता दिन त्रिभुवन विश्वविद्यालयलाई निर्देशन दिने निर्णय गरेको हो।
सम्बन्धित समाचारहरु…
भर्खरै
लोकप्रिय
