भूईँकटहर भित्र ७४५ किलो कोकिन (भिडियोसहित)

पोर्चुगल तथा स्पेनका प्रहरीले भूईँकटहरमा लुकाएको अवस्थामा लागुऔषध कोकिन बरामद गरेका छन् । प्रहरीले बाहिरबाट हेर्दा ताजा देखिने भूईँकटहर भित्र लागुऔषध कोकिन भेट्टाएको हो ।

दक्षिण अमेरिकाबाट पोर्चुगल तथा स्पेन ल्याइएको कोकिन जाँचको क्रममा प्रहरीले बरामद गरेको हो । भित्री भाग निकालेर त्यसमा कोकिन राखी तस्करले भूईँकटहरको बोक्रालाई प्राकृतिक जस्तै गरी बन्द गरेका थिए ।

प्रहरीले यसरी भूईँकटहरमा राखेर ल्याइएको ७४५ किलो कोकिन बरामद गरेको बिबिसीले उल्लेख गरेको छ । तस्किरीमा संलग्न ९ जना पक्राउ परेका छन् । पोर्चुगल तथा स्पेनमा गएको अप्रिलदेखि लागुऔषध विरुद्धको प्रहरीले संयुक्त अभियान चलाएको छ ।