काठमाडौं – पार्टी एकताको तयारीमा रहेका नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबिच शनिबार ओली निवास बालकोटमा छलफल भएको छ ।
दुई अध्यक्षबिच एक घण्टा भन्दा बढी भएको छलफलले आइतबार बस्ने पार्टी एकता संयोजन समिति बैठकको एजेण्डा तय गरेको छ ।
बैठकपछि पत्रकारसँग संक्षिप्त कुराकानी गर्दै माओवादी केन्द्रका अध्यक्ष प्रचण्डले पार्टी एकताको विषयमा संयोजन समितिको बैठकका लागि एजेण्डा तय गरेको बताए पनि के एजेण्डा भन्ने चाहिँ खुलाएनन् ।
तर स्रोतका अनुसार दुई अध्यक्षले सैद्धान्तिक र नेतृत्वको विषयमा केन्द्रित भएर आइतबारको संयोजन समितिको बैठकमा छलफल हुने गरी एजेण्डा तय गरेका हुन् ।
यस्तै बैठकमा प्रदेश सरकार गठनका विषयमा पनि छलफल भएको स्रोतले बताएको छ ।
एमाले र माओवादीले नयाँ सरकार गठन अघि नै पार्टी एकता प्रक्रियालाई टुंगोमा लग्ने तयारीमा छन् ।
भर्खरै
लोकप्रिय
