क्यान्सरसँग अन्तिम लडाईँमा रहेकी ६ वर्षे बालिकाको पूरा भयो जीवनको ठूलो सपना

अमेरिकामा क्यान्सरसँग लडिरहेकी एक बालिकाको जीवनको ठूलो सपना पूरा भएको छ । बालबालिकामा हुने मृगौलाको क्यान्सरबाट ग्रस्त भएकी ६ वर्षकी एबिगेल एरियस ठूलो भएपछि प्रहरी अधिकारी हुन चाहन्थिन् ।

टेक्सासकी बालिकाको सपना बिहीबार पूरा भएको छ । उनलाई टेक्सासको फ्रिपोर्ट प्रहरीले एरियसलाई मानार्थ प्रहरी अधिकारीको शपथ दिलाएको छ । उनी प्रहरीको पोशाकमा शपथ लिन पुगेकी थिइन् ।

एरियसको उपचारमा संलग्न डाक्टरले उनी लामो समय जीवित रहने सम्भावना लगभग कम रहेको बताएपछि अब उनको जीवन भगवानको भरोसामा छ । परिवार उनका लागि प्राथना गरिरहेको छ ।

बालिकाको सपना पूरा गर्न फ्रिपोर्टको प्रहरीले मानार्थ प्रहरी अधिकारीको शपथ दिलाएको हो । उनलाई फ्रिपोर्टका प्रहरी प्रमुख रेमण्ड गारिवेय जुनियरले शपथ गराएका हुन् ।

प्रहरी प्रमुख गारिवेयसले गएको डिसेम्बरमा प्यानकेक विथ सान्टा कार्यक्रम अन्तर्गत एरियससँग भेटेका थिए । एरियसले त्यो बेला ठूलो भएपछि प्रहरी अधिकारी बन्ने बताएकी थिइन् ।

उनको सपना यथार्थमा परिणत गर्न र उनको मुस्कानलाई बचाइ राख्नका लागि प्रहरी अधिकारीको शपथ दिलाएको गारिवेयसले बताएका छन् ।