टिम डाक्टर ल्यारी नासरमाथि यौन हिंसाको आरोपमा १७५ वर्षको जेल सजाय भएपछि अमेरिकी जिमनास्टिक्स (युएसएजी) बोर्डका सबै सदस्यले राजीनामा दिने घोषणा गरेका छन् ।

अमेरिकी ओलम्पिक कमिटि (युएसओसी) ले यसअघि युएसएजीका सबै सदस्यले जनवरी ३१ सम्म राजीनामा दिनु पर्ने नभए युएसएजीले खेलकुद प्रशासकीय निकायको मान्यता गुमाउने बताएको थियो ।

त्यसपछि युएसएजीका सबै १८ बोर्ड सदस्यले राजीनामा दिने घोषणा गरेका हुन् । बोर्डमा रहेका पाँच निर्देशकले यसअघि नै राजीनामा दिएका थिए ।

न्यायाधीशले भनिन्–मैले तपाईंको मृत्यु वारेन्टमा हस्ताक्षर गरेँ

युवा खेलाडीमाथि यौन दुर्व्यवहार गरेको आरोपमा अमेरिकी अदालतले बिहीबार नासरलाई ४० देखि १७५ वर्षको जेल सजाय तोकेको थियो ।

यस्तै यहि काण्डका कारण मिसिगन स्टेट युनिभर्सिटी (एमएसयु) का दुई अधिकारीले पनि राजीनामा दिएका छन् । डा. नासरले एमएसयुमा काम गरेको थिए ।