बीपी कोइराला स्वास्थ्य विज्ञान प्रतिष्ठान उपकुलपतिमाथि कारवाहीको माग

काठमाडौं – स्वास्थ्य तथा जनसंख्या मन्त्रालयले धरानको बीपी कोइराला स्वास्थ्य विज्ञान प्रतिष्ठान धरानका उपकुलपति प्रा. डा. राजकुमार रौनियार विरुद्ध छानविन गरी कारवाहीको माग गरेको छ।

डा. रौनियारले प्रतिष्ठानमा गर्दै आएको अनियमितता तथा घोटालाका सम्बन्धमा बिस्तृत छानविन गरी कारवाहीको माग गर्दै अख्तियार दुरुपयोग अनुसन्धान आयोगमा पठाइएको हो।

कही समय यता प्रतिष्ठानमा भइरहेका अनियमितताका सम्बन्धमा तथा सरकारले गठन गरेका दुइवटा समितिको छानविन प्रतिवदेनका आधारमा उपप्रधानमन्त्रीस्तरबाट निर्णय गरी अख्तियारमा डा. रोनियारलाई आयोगमा पठाइएको हो ।

उपप्रधानमन्त्रीस्तरबाट मंगलबार गरिएको निर्णय अनुसार बुधबार डा. रौनियारलाई कारवाहीका लागि आयोगमा पठाइएको प्रतिष्ठानले जनाएको छ।