जनकपुरधाम- सर्वोच्च अदालतले गृह मन्त्रालयले जन्मसिद्ध नागरिकका सन्तानलाई वंशजको नागरिकता दिन भनि गरेको परिपत्रलाई कार्यान्वयन नगर्न जारी गरेको आदेशको विरोधमा प्रर्दशन गरिएको छ।
सत्तारुढ दल संघीय समाजवादी फोरम नेपालले मंगलबार साँझ जनकपुरमा सर्वोच्च अदालतको आदेशको प्रतिलिपि जलाएर विरोध प्रर्दशन गरेको छ ।
फोरम नेपालको भातृ सङ्गठन समाजवादी विद्यार्थी फोरम धनुषाको अगुवाई साँझ जनकपुरको भानुचोकमा सर्वोच्च अदालतको निर्णय तत्काल सच्याउन माग गर्दै प्रतिलिपि जलाएको हो ।
जन्मसिद्ध तथा जन्मको आधारमा नागरिकता सर्वोच्च अदालतले दिन भनेको केही दिन नबित्दै पुनः सर्वोच्च अदालतले नै नागरिकतामा रोक लगाएपछि जनकपुरमा विरोध शुरु भएको हो ।
समाजवादी विद्यार्थी फोरम धनुषाको उपाध्यक्ष विकास यादवको अगुवाईमा अदालतको निर्णय मधेस विरोधी रहेको भन्दै प्रतिलिपि जलाइएको छ। यस्तै, उनीहरुले सर्वोच्च अदालतको निर्णय नसच्याए आन्दोलन चर्काउने चेतावनी समेत दिएका छन्।
भर्खरै
लोकप्रिय
