फूल्चोकीमा हिउँ खेलेर फर्किने क्रममा हराएका किशोर एक सातापछि सकुशल भेटिए

ललितपुर — फूल्चोकीमा हिउँ खेलेर फर्किने क्रममा एक साताअघि हराएका ललितपुरकाे एक विद्यालयका १७ वर्षीय किशोर सकुशल भेटिएका छन्। उनी फूल्चोकी जंगलमा सकुशल भेटिएको ललितपुर प्रहरी प्रवक्ता नरेन्द्र चन्दले जानकारी दिए।

ललितपुरको थसिखेलस्थित अजय शिशू सदनमा कक्षा ६ मा अध्ययनरत उनी गत बिहीबार फुल्चोकीमा हिउँ हेरेर फर्किँदा हराएका थिए। विद्यालयका प्रिन्सिपलसहित ५ र ६ का ११ विद्यार्थी हिउँ हेर्न गएका थिए। विद्यालयका प्रिन्सिपल दुर्गाबहादुर ओली प्रहरी नियन्त्रणमा छन्।