काठमाडौं – देशभरको मौसम बिहीबार सामान्यताया सफा रहने जल तथा मौसम पूर्वानुमान महाशाखाले जनाएको छ ।पहाडी क्षेत्रमा आंशिक बदली भएको र त्यस क्षेत्रको मौसम दिनभर नै त्यस्तै रहने मौसमविद वरुण पौडेलले जानकारी दिए । तर अरु ठाउँको मौसम भने सफा रहने छ ।
पहाडी क्षेत्रमा आंशिक बदली भए पनि स्थानीय वायु भएकाले पानी पर्ने सम्भावना भने छैन । तराईका क्षेत्रमा हल्का हुस्सु लागेको छ, तर दिउँसो हुस्सु हटेर मौसम सफा रहने उनले बताए ।
गएको हप्ता पानी परेसँग बिहान बेलुका केही चिसो रहेको र अझै हप्ता १० दिन यस्तै रहने मौसमविदको भनाई छ । तर त्यसपछि भने बिस्तारै गर्मी बढ्दै जानेछ ।
बाक्लो हुस्सु लाग्ने क्रम कम हुँदै गएकाले पनि बिहानमा केही समस्या भए पनि दिउँसोमा विमान उडानका लागि समस्या नहुने मौसमविद पौडेलले बताए ।
अहिले विराटनगरमा हुस्सुका कारण भिजिविलिटी केही कम देखिएको भए पनि दिउँसो सफा हुने उनले बताए । काठमाडौंमा पनि अहिले आन्तरिक उडानका लागि केही समस्या रहेको तर दिउँसो समस्या नहुने उनको भनाई छ ।
भर्खरै
लोकप्रिय
