विश्व फूटबलमा लामो समयदेखि सर्वोत्कृष्ट खेलाडीको सूचिमा शीर्ष स्थानमा रहँदै आएको मानिएका स्टार स्ट्राइकर क्रिष्टियानो रोनाल्डो अहिले शीर्ष स्थानमा नरहेको इंग्ल्याण्डका पूर्व फुटबलर ग्यारी लिनिकरले दाबी गरेका छन् ।
अहिले टेलिभिजनमा फुटबल सम्बन्धी कार्यक्रम ‘म्याच अफ दि डे’ को सञ्चालक रहेका लिनिकरले रोनाल्डो अहिले विश्वका उत्कृष्ट खेलाडीको सूचिमा चौथो स्थानमा रहेको बताएका हुन् । रोनाल्डो भन्दा अघि लियोनल मेस्सी, नेइमार र ह्यारी केन रहेको उनको भनाई छ ।
गएको सिजन गरेको उत्कृष्ट प्रदर्शनका कारण फिफा वर्ष खेलाडी र बालोन डी’ओर जितेका रोनाल्डोले यो सिजन ला लिगामा राम्रो प्रदर्शन गर्न सकेका छैनन् ।
यसले गर्दा उनी उत्कृष्ट खेलाडीको सूचिमा चौथो स्थानमा झरेको लिनिकरको भनाई छ । रियल मड्रिडका रोनाल्डोले यो सिजन ला लिगामा अहिलेसम्म १७ खेलमा ८ गोल गरेका छन् ।
मुण्डो डिप्रोटिभोसँगको अन्तर्वार्ताको क्रममा उनले भने ‘मलाई रोनाल्डो मन पर्छ, तर मेस्सी अर्कै विश्वबाट आएका हुन् ।’
यस्तै उनले अर्को प्रश्नमा भने ‘रोनाल्डो उत्कृष्ट खेलाडी हुन्, नेइमार भविष्य हुन् ।’ह् ह्यारी केनसँग जोडिएको प्रश्नमा उनले भने ‘केन विश्व फुटबलका भविष्य हुन् ।’
भर्खरै
लोकप्रिय
