दाङ- प्रदेश नम्बर ५ काे दाङमा भएको राष्ट्रिय सभा सदस्यकाे निर्वाचनमा १५ वटा मत बदर भएको छ।
दलिततर्फ ७, अपांग/अल्पसंख्यकतर्फ ८ गरी जम्मा १५ वटा मत बदर भएको मुख्य निर्वाचन अधिकृतकाे कार्यालयले जनाएको छ।
मतदान नगरी खालि बुझाएकाे मतपत्रलाई पनि बदर मतमा जाेडिएकाे हुँदा बदर मतकाे सङ्ख्या बढी हुन अाएकाे हाे। ‘राइट लगाएर मत सङ्केत गर्नुपर्ने ठाउँमा १, २,३ लेखिएको पाइयाे,’ मुख्य निर्वाचन अधिकृत हेमन्त रावलले भने, ‘मत सङ्केत नगरी बुझाएको मतपत्रलाई पनि बदर मानेका छाैँ।’
प्रदेश नम्वर ५ मा महिला निर्विरोध चुनिएका थिए, भने पाँच जना राष्ट्रिय सभा सदस्य चयन गर्न भएको निर्वाचनमा ३०३ मत खसेकाे थियाे। ३०५ मतदाता रहेकाे पाँच नम्बर प्रदेशमा २ जना मतदाताले मतदानमा भाग लिएनन्। निर्वाचन शिक्षा नहुँदा जनप्रतिनिधिले समेत मत सङ्केत गर्न नजान्दा बदर मत धेरै भएको हाे ।
सम्बन्धित समाचार
भर्खरै
लोकप्रिय
