प्रदेश नं. ५ : सभामुख चुन्न आज मनोनयन दर्ता हुँदै

दाङ – प्रदेश नम्बर ५ को प्रदेशसभा सभामुख चुन्नका लागि मंगलबार मनोनयन दर्ता हुँदैछ । संसद सचिवालयले बिहान १० बजेदेखि बेलुका ५ बजेसम्म मनोनयन दर्ताको समय तोकेको छ ।

बुधबार निर्वाचन हुने प्रदेश संसद सचिवालयका सहसचिव सुरेन्द्र अर्यालले बताए । सभामुख पदमा निर्विरोध निर्वाचित हुने सम्भावना छ ।

रुकुम पूर्वबाट निर्वाचित पूर्णबहादुर घर्तीमगरलाई प्रदेश ५ को सभामुखको उम्मेदवार बनाउने माओवादी केन्द्रले निर्णय गरिसकेको छ । उनलाई वाम गठबन्धनको अर्काे शक्ति एमालेको समर्थन छ ।

प्रदेशसभामा वाम गठवन्धनको बहुमत छ । ८७ प्रदेशसभा सदस्यमध्ये गठबन्धनसँग ४१ सदस्य छन् । तेश्रो शक्ति कांग्रेस र अरु दलले सभामुखमा उम्मेदवारी दिने तयारी गरेका छैनन् ।