काठमाडौं – भारतको चर्चित रियालिटी शो डान्स ईन्डिया डान्समा सहभागी भई नेपालमा नेपाली ठिटो नामक डान्स समूह खोलेका सुनिल क्षेत्री नायकका रुपमा दर्शक माझ आउने भएका छन् ।
सिल्भर लेक पिक्चरको प्रस्तुतिमा श्रीप्सन मुभिजसँगको सहकार्य बन्ने फिल्म ‘चि मुसी चि’ मा नायिकाको रुपमा अलिशा शर्मा छिन् । त्यस्तै अरुको प्रोड्क्शनमा फिल्म नगर्ने भनेकी नायिका कमली वाइवा पनि यस फिल्ममा अभिनय गर्ने छिन् ।
यतिबेला फिल्मको छायाँकन पोखरामा भइरहेको छ । ‘चि मुसी चि’ लाई यसअघि फिल्म ‘सकुन्तला’ निर्देशन गरेका दिनेश श्रेष्ठले निर्देशन गरिरहेका छन् ।
फिल्ममा सुनिल क्षेत्री, अलिशा शर्मा, कमली वाइवा, सुशान्त कार्की, सुशान्त बस्याल, शिवराज कार्की र रश्मी भट्टको अभिनय छ । महेश्वर खत्री र सुवास भुर्तेलको संयुत्त लगानी रहेको ‘चि मुसी चि’ मा शिवराज कार्की कार्यकारी निर्माता, अरुण गुरुङ र अनिल श्रेष्ठ सह निर्माताको रुपमा रहेका छन् ।
शब्द तथा संगीत सुरज अधिकारीको छ । कोरियोग्राफी सुनिल र बिक्रम स्वाँरले गर्नेछन् । फिल्ममा बासु न्यौपानेको छायाँकन र द्धन्द्ध निर्देशन अष्ट महर्जनको रहनेछ । काठमाडौं, पोखरा र ईलामलाई छायाँकन स्थालको रुपमा रोजिएको छ ।
भर्खरै
लोकप्रिय
