खराब मौसमका कारण जोमसोम जान सकेनन् भारतीय सेना प्रमुख रावत

काठमाडौं – सेना दिवसमा अतिथिका रुपमा नेपाल आएका भारतीय सेना प्रमुख विपिन रावतको जोमसोम यात्रा मौसमका कारण रद्ध भएको छ ।

नेपाली सेनाको जोमसोमस्थित ‘हाइ अल्टिच्युड टेनिङ सेन्टर’ को निरीक्षणपछि रावतको मुक्तिनाथ दर्शनको कार्यक्रम थियो । खराब मौसमका कारण दुवै कार्यक्रम रद्ध भएको सेनाको स्रोतले बताएको छ ।

जनरल रावत पोखरास्थित भारतीय सेनाबाट सेवा निवृत्त गोर्खा सैनिकको संस्था गोर्खा वेलफेयर एसोसिएसनद्धारा आयोजित कार्यक्रममा सहभागी हुन पुगेका छन् ।

त्यसपछि उनी काठमाडौं फर्की नेपाली सेनाले सैनिक मन्चमा आयोजना गर्ने मुख्य कार्यक्रममा सहभागी हुनेछन् ।