बुटवल- रूपन्देही निर्वाचन क्षेत्र नं. २ मा विष्णु पौडेल करिब २२ हजार मतको फराकिलो अन्तरसँगै विजयी भएका छन् ।
उनले ४४ हजार ३ मत ल्याएका छन् भने उनका निकटमत प्रतिद्वन्द्वी नेपाली काँग्रेसका उम्मेदवार युवराज गिरीले २१ हजार नौ सय ३७ मत प्राप्त गरेका छन् ।
त्यसैगरी रूपन्देही क्षेत्र नं. २ मा प्रदेश सभा तर्फ दुवै निर्वाचन क्षेत्रमा वाम गठबन्धनले विजय हासिल गरेको छ ।
निर्वाचन क्षेत्र २(क)मा २१ हजार सात सय ३४ मत सहित नेकपा (एमाले)का लिला गिरी विजयी भएका छन् । उनका निकटतम प्रतिद्वन्द्वी नेपाली काँग्रेसका काजिमान श्रेष्ठले नौ हजार सात सय ७८ मत प्राप्त गरेका छन् ।
प्रदेश सभा निर्वाचन क्षेत्र नं. २(ख)मा नेकपा (एमाले)का भोजप्रसाद श्रेष्ठले २१ हजार एक सय ३५ मत प्राप्त गरेका छन् । उनका निकटतम प्रतिद्वन्द्वी नेपाली काँग्रेसका महेशमान सिंहले १२ हजार पाँच सय ६५ मत प्राप्त गरेका छन् । त्यसैगरी रूपन्देही क्षेत्र नं. १को प्रदेश सभा निर्वाचन क्षेत्र नं. १(ख)मा पनि वामगठबन्धनले नै विजय हासिल गरेको छ ।
सो क्षेत्रबाट नेकपा (माओवादी केन्द्र)का दधिराम न्यौपानेले १३ हजार ९४ मत प्राप्त गरेर विजय हासिल गरेका छन् । उनका निकटतम प्रतिद्वन्द्वि नेपाली काँग्रेसका हरि न्यौपानेले ११ हजार एक सय आठ मत प्राप्त गरेका छन् ।
भर्खरै
लोकप्रिय
