खेल कौशलले उत्कृष्ट क्रिष्टियानो रोनाल्डो आफूलाई माया गर्ने विश्वभरका समर्थकका पनि धनी हुन् । उनलाई सात समुद्रपारी खेलेको हेरेरै उनको मायामा पर्ने विश्वभर धेरै फ्यान छन् उनका ।

विश्वभर रहेका करोडौँ फ्यान मध्ये केहीले मात्रै रोनाल्डोलाई प्रत्येक्ष खेलेको हेर्न पाउँछन् । त्यसमा पनि सीमितलाई मात्रै उनलाई भेट्ने अवसर मिल्छ । आफ्ना फ्यानलाई रोनाल्डोले पनि उस्तै माया गछन् । उनले सकेसम्म फ्यानलाई निरास पार्दैनन् ।

१०० क्लब, रोनाल्डो एक्लै

च्याम्पियन्स लिग फुटबल अन्तर्गत बुधबार राति भएको अन्तिम १६ को पहिलो लेगमा रोनाल्डोको दुई गोलको मद्दतमा पेरिस सेन्ट–जर्मेन (पिएसजी) ३–१ ले हरायो ।

यो खेलमा रोनाल्डोलाई हेर्नका लागि उनका एक चिनियाँ फ्यानले १६ घण्टा लामो विमान यात्रा तय गरेका थिए । उनी चीनबाट १६ घण्टाको विमान यात्रा गरेर रोनाल्डोलाई खेलेको हेर्नकै लागि सान्टियागो बर्नाबेउ पुगेका थिए । रोनाल्डोले उनीसहित आफ्ना फ्यानलाई गोलको सुन्दर खुशी दिए ।

रियल मड्रिडले जित्यो, रोनाल्डोको दुई गोल

दर्शक दीर्घामा रहेका चिनियाँ फ्यानले रोनाल्डोको जर्सीको पेन्टिङसहितको प्लेकार्ड देखाएका थिए । उनले त्यसमा आफू रोनाल्डोकै लागि चीनबाट १६ घण्टाको यात्रा तय गरेर आएको उल्लेख गरेका छन् ।