बिर्तामोड- प्रतिनिधि सभा सदस्यका लागि झापाको निर्वाचन क्षेत्र नं १ बाट नेकपा माओवादी केन्द्रका उम्मेदवार सुरेन्द्रकुमार कार्कीसँग हारेपछि कांग्रेसका युवा नेता विश्वप्रकाश शर्माले अब कांग्रेसलाई सुधार गरेर लैजाने बाटोमा आफू लाग्ने प्रतिक्रिया दिएका छन् ।
उनले आफ्ना पुस्ताका नेताहरु गगन थापा लगायतले संसद आवाज बुलन्द बनाउने जिम्मा पाएको र संसदबाहिर रहेर नेपाली कांग्रेसलाई सुधार गरेर लैजाने जिम्मा आफूजस्ता उपविजेता बनेका नेताहरुको काँधमा आएको बताए। शर्माले भने, ‘देशभरका साथीहरुको चाहना थियो, विश्वप्रकाश संसदमा पुगोस् भन्ने। तर झापा १ का मतदाताले मलाई संसदमा भन्दा पार्टी सुधार गर्ने जिम्मेवारीको बाटो देखाइदिए। अब मेरो ध्यान त्यतैतिर जानेछ ।’
झापा १ को प्रतिनिधि सभाको अन्तिम मत परिणाम अनुसार बाम गठबन्धनका उम्मेदवार सुरेन्द्रकुमार कार्कीले ३६ हजार १ सय ७३ मत प्राप्त गरे भने शर्माले ३३ हजार ३ सय १० मत प्राप्त गरे ।
भर्खरै
लोकप्रिय
