सिमकोट – चीनसँग सीमा जोडिएको हुम्लाको उत्तरी नाका हिल्सा क्षेत्रमा चिनियाँ मोबाइल नम्बरबाट हुम्लाबासीले सम्पर्क गर्दै आएका छन् ।
नेपाल टेलिकमले हालसम्म मोबाइल सेवा नपुर्याउँदा सिमाना नजिकै रहेको चिनियाँ मोबाइल कम्पनीको टावरले काम गरेपछि हिल्सामा रहने हुम्लाबासीले उक्त सिमबाट नेपालमा सम्पर्क गर्नु परेको हो ।
हिल्सामा रहेका कर्मचारी, ब्यापारी र स्थानीयले दुई किसिमका चिनियाँ सिमबाट नेपालमा सम्पर्क गर्ने गरेका छन् । हिल्सामा कुल ८० घरधुरी छन् ।
यहाँका होटेल व्यवसायी र व्यापारी तथा स्थानीय बासिन्दाले चिनियाँ मोबाइल कम्पनीको सिम प्रयोग गरिरहेको सीमा प्रहरी पोष्ट हिल्साका प्रहरी सहायक निरीक्षक दलबहादुर श्रेष्ठले बताए । प्रहरीले पनि दुईवटा चिनियाँ सिम प्रयोग गरिरहेका छन् ।
पचास युआन पर्ने सिमबाट नेपालमा फोन गर्न मिल्दैन, तर एसएमएस भने गर्न मिल्छ र नेपाली नम्बरबाट त्यसमा फोन गर्न सकिन्छ । तर सय युआन पर्ने सिमबाट नेपालमा फोन गर्न मिल्छ । सिममा रिचार्ज गर्न प्रत्येक महिनाको एक तारिखमा कुर्नु पर्छ ।
भर्खरै
लोकप्रिय
