अगस्ट १० मा २००६ क्युक्यु २३ नाम गरेको ऐस्टेरायड पृथ्वीबाट नजिक हुँदै आफ्नो परिक्रमा पथमा अघि बढेको थियो । अन्तरिक्ष एजेन्सी नासाले यस्तै एउटा अर्को आकाशीय पिण्ड पृथ्वी नजिक आउने क्रममा रहेको बताएको छ ।
मंगल ग्रह र बृहस्पति ग्रहबिचको आकाशमा लाखौँ खगोलीय पिण्ड छन् । सूर्यको परिक्रमा गर्ने क्रममा परिक्रमा पथमा यी पृथ्वीको नजिक भएरअघि बढ्छन् ।
नेपालीमा क्षुद्रग्रह (ऐस्टेरायड) भनिने यस्ता पिण्ड आफ्नो परिक्रमा पथमा पृथ्वीको नजिक आउँदा वैज्ञानिक चिन्तित हुने गर्छन् । यसको कारण, जुनसुकै आकार, प्रकार वा तौलका यी पिण्ड पृथ्वी नजिक भएर जानेक्रममा पृथ्वीको गुरुत्वाकर्षणाले तानेर पृथ्वीमा खस्न सक्छन् । अत्यन्त तीव्र गतिले सञ्चालित यस्ता पिण्ड पृथ्वीमा खस्दा ठूलो हानी–नोक्सानी हुन सक्छ ।
यस विषयसँग सम्बन्धित वैज्ञानिकहरुका अनुसार पृथ्वी अस्तित्वमा आएदेखि अहिलेसम्म कम्तिमा तीनपटक यस्ता पिण्ड खसेर पृथ्वी तहस नहस भइसकेको छ । पृथ्वीमा डायनोसर युगको अन्त्य यस्तै कुनै एस्टेरायड वा वामन ग्रह (ड्राफ प्लानेट) खसेर भएको थियो ।
नासाका वैज्ञानिकहरुका अनुसार २३, १०० किमी प्रतिघण्टाको वेगले एउटा ऐस्टेरायड पृथ्वीतिर आइरहेको छ । वैज्ञानिकको अनुमान अनुसार यसको लम्बाई झण्डै २१३२ फिट छ ।
नासाका वैज्ञानिकले यस ऐस्टेरायडलाई २००० क्यु डब्ल्यु ६ नाम दिएका छन् । यो झण्डै पृथ्वीको सबैभन्दा अग्लो संरचना बुर्ज खलोफाको हाराहारी जत्रो खगोलीय पिण्ड हो । नासाका अनुसार आउँदो १४ सेप्टेम्बरका दिन (आजको १६ दिनपछि) पृथ्वीको सर्वाधिक नजिक हुन्छ । यस दिन यो एस्टेरायड र पृथ्वीबीचको दूरी जम्मा ५३ लाख किलोमिटर हुनेछ ।
पृथ्वी र चन्द्रमाबीचको दूरी ३ लाख ८४ हजार किलोमिटर हुनेछ । पृथ्वी र चन्द्रमा बीचको दूरी ३ लाख ८४ हजारु किलोमिटर छ । चन्द्रमा र पृथ्वीको दूरीको तुलनामा पृथ्वी र यस एस्टोरायडको दूरी झण्डै १४ गुणा बढी हुनेछ ।
यो एस्टेरायड पनि ‘अटेन’ श्रेणीको उस्टेरायडमा पर्छ । खगोलवीदहरुले सूर्यको परिक्रमा गर्दा पृथ्वी नजिकबाट भएर जाने खगोलीय पिण्डहरुलाई ‘अटेन’ श्रेणीका पिण्डमा राख्ने गरेका छन् ।
खगोलवीदहरुको परिभाषामा पृथ्वी र सूर्यबीचको दूरी १४ करोड ९६ लाख किलोमिटर, यसलाई खगोलीय भाषामा १ ‘एस्ट्रोनोमिलक यूनिट’ दूरी भनिन्छ, यो भन्दा कम दूरीबाट गुज्रिने खगोलीय पिण्डहरुलाई पृथ्वीको नजिक आएको मानिन्छ ।
१४ सेप्टेम्बरमा पृथ्वीको नजिक आउने एस्टेरायड २००० क्लु डब्लु ७ प्रत्येक ६९५६ दिनमा आफ्नो परिक्रमा पथमा पृथ्वीको नजिक हुँदै जाने गर्छ । यो अवधि भनेको १९.०४ वर्ष हो ।
यो भन्दा पहिला सन् २००० को सेप्टेम्बरमा यो पृथ्वी नजिक हुँदै गएको थियो। १४ सेप्टेम्बर २०१९ पछि १९ अक्टुबर सन २०३८ मा यो पुनः पृथ्वी नजिक भएर जान्छ ।
भर्खरै
लोकप्रिय
