जनकपुरधाम– हंसपुर नगरपालिकाका नगर प्रमुख पक्षधरले उपप्रमुख रेणु झासहित तीन जनाविरुद्ध जिल्ला प्रहरी कार्यालय धनुषामा जाहेरी दर्ता गराएका छन्।
धनुषाका प्रहरी नायब उपरीक्षक रामेश्वर कार्कीले मेयर पक्षधरले उपमेयर रेणु झासहित तीन जनाविरुद्ध जाहेरी दिएकाे जानकारी दिए।
उनीहरुले जाहेरी दर्ता गराउनुभन्दा पहिले आइतबार जनकपुरधाममा प्रदर्शन गरेका छन्। हंसपुर चोकबाट ट्रयाक्टर, मोटरसाइकल लगायतका सवारी साधनमा आएका प्रदर्शनकारीहरुले उपमेयर रेणु झाविरुद्ध नारा जुलुस गरेका थिए।
नगर प्रमुख पक्षधरका व्यक्तिहरुले हंसपुर नगरपालिकाका उपप्रमुख झासहित वडा नं. २ का वडाध्यक्ष उदय साह र वडा २ बस्ने किशोरी यादवविरुद्ध जाहेरी दर्ता गरेका हुन्।
मेयर पक्षधरहरुले मेयर लगायत चार जनामाथि लगाइएको झुठामुद्दा खारेज गर्न माग गर्दै जनकपुरधामका विभिन्न चोकमा प्रदर्शन गरेका थिए।
यस भन्दा पहिले नगरपालिकाको केन्द्र सार्ने विवाद हुँदा विवादको क्रममा घाईते भएका तपेश्वर मण्डलको मृत्यु भएपछि मण्डलका छोराले हंसपुरका नगर प्रमुख रामज्ञान मण्डलसहित चार जना विरुद्ध मुद्दा दर्ता गराएका थिए।
भर्खरै
लोकप्रिय
