शत्रु गतेको पोष्टर सार्वजनिक

काठमाडौं – चलचित्र ‘शत्रु गते’ को पोष्टर सार्वजनिक भएको छ । चलचित्र प्रदर्शनको मिति एक महिनाक बाँकी रहँदा निर्माण युनिटले पोष्टर सार्वजनिक गरेको हो ।

सार्वजनिक पोष्टरमा चलचित्रमा देखिने जोडीलाई नै समेटिएको छ । सार्वजनिक गीतमा देखिएको जोडीकै आधारमा पोष्टर तयार गरिएको छ ।

सार्वजनिक पोष्टरमा हरिवंश आचार्य र दीपाश्री निरौला, दीपकराज गिरी र प्रियंका कार्की तथा पल शाह र आंचल शर्माको जोडी देखाइएको छ ।

थिम अनुसार नै पोष्टर तयार गरिएको निर्देशक प्रदिप भट्टराईले बताए । चलचित्रका रुपै मोहनी र पिरतीको बर्को बोलका गीत सार्वजनिक भएका छन् ।

मह सञ्चारको ब्यनारमा निर्माण गरिएको चलचित्रको प्रस्तुतकर्ता किरण केसी हुन् । फिल्ममा हरिवंश आचार्यको कथा रहेको छ । चलचित्र आउँदो चैत ९ गतेदेखि प्रदर्शनमा आउने छ ।