सिमकोट – नेपाल टेलिकमले नेपालगञ्जबाट जेनेटर हेलिकोप्टरमा ढुवानी गरेर हुम्ला उतारेको छ । विद्युत सेवा अवरुद्ध भएको समयमा टेलिकमले आफ्नो सेवालाई चौबीसै घण्टा नियमित गर्न महंगो हवाई भाडा तिरेर हुम्लाका लागि जेनेरेटरको व्यवस्था गरेको हो ।
नेपाली सेनाको एमआई १७ हेलिकोप्टरमा नेपालगञ्जबाट जेनेरेटर जिल्लामा आएको नेपाल टेलिकम हुम्ला शाखाका निमित्त कार्यालय प्रमुख रामबहादुर बोहराले बताए ।
टेलिकमका सबै सेवालाई विद्युतको समस्या भएका बेला धान्न सक्ने क्षमता भएको जेनेरेटर जिल्लामा आएको बोहराले बताए । साढे १२ सय केजी तौल भएको र १५ केभी पावर उत्पादन गर्ने गर्न सक्ने जेनेरेटर जिल्लामा आएपछि अब विद्युत सेवा अबरुद्ध भएको अवस्थामा पनि टेलिकमले आफ्ना सेवाहरु सुचारु राख्न सक्ने छ ।
यस अघि गत भदौ २० गतेबाट हिल्दुम साना जलविद्युत आयोजनाको सेवा बन्द हुँदा जनेरेटरकै कारण केही दिन टेलिकमका सेवाहरु बन्द भएका थिए । त्यस पछि नेपाल टेलिकमलाई विकल्प खोज्न दबाब सृजना भएको थियो । जसको कारण महंगो हवाई ढुवानी तिरेर टेलिकमले जेनेरेटर जिल्लामा पठाएको छ ।
भर्खरै
लोकप्रिय
