सिमकोट – नेपालगञ्जबाट सिमकोट आउन त सास्ती थियो पहिलेदेखि नै । अहिले हुम्लाबाट दसैँ मनाउन घर जाने यात्रुहरुलाई पनि उडान कम हुँदा सास्ती भएको छ ।
एकातिर कम उडान हुनु, त्यसमाथि मौसम बिग्रिए पनि हुने उडान पनि समयमा नहुँदा यात्रुहरुले सास्ती खेप्नु परेको हो । हुम्लाका लागि उडान भर्ने तारा, सीता र समिट एयरका सिमकोट स्टेसनमा पहिलो कुरा त टिकट पाउनै मुस्किल हुने र टिकट पाए पनि हवाई जहाज कुर्दै तनावमा हुनु सिमकोटबाट नेपालगञ्ज र सुर्खेतको यात्रा गर्ने यात्रुको दैनिकी जस्तै भएको यात्रुहरुको गुनासो छ ।
बिहानभरि यात्रुहरुलाई निजी एयरलाईन्सका टिकट काउण्टरमा धाउँदै ठिक्क हुने गरेको छ । जता टिकट बाँड्ने सुइँको यात्रुले पाउने गर्छन् । त्यतै यात्रुहरुको भिड लाग्ने गर्छ । तर एक फलाईटमा जम्म १४ जनाले टिकट पाउने गर्छन्, बाँकीले अर्को एयरलाईन्सको टिकट काउण्टरमा धाउन पर्ने बाध्यता छ तर टिकट पाउने नपाउने निश्चित भने छैन ।
त्यसमाथि जहाजले कम उडान गर्दा बल्लबल्ल पाएको टिकक पनि क्यान्सिल हुने गरेको छ । यात्रुहरुले तीन चार दिनसम्म टिकट नपाएर सिमकोटमा बस्नु परिरहेको छ । पर्यटकीय सिजनमा बेलुका ६ बजेसम्म उडान भर्ने निजी एयरलाईन्सहरुले हिजोआज बढीमा दुई वटासम्म उडान भर्ने गरेका छन् ।
भर्खरै
लोकप्रिय
