पत्रकार बोहराको उपचारका लागि सहयोग संकलन अभियान

सिमकोट– मस्तिष्क घातबाट पीडित नेपाल पत्रकार महासंघ हुम्ला शाखाका अध्यक्ष अर्जुन बोहरालाई आर्थिक सहयोग जुटाउन अभियान थालिएको छ ।

बोहरा हाल काठमाडौँको बासघारी स्थित न्यूरो अस्पतालमा उपचाररत छन् । उनको उपचारमा सहयोग गर्नका लागि आर्थिक संकलन अभियान थालिएको हुम्लाका पत्रकार नरजगं तामाङले बताए ।

हालसम्म उनको उपचारका लागि दुई लाख भन्दा बढी रकम जिल्लामा संकलन भैसकेको र यो क्रम अझै जारी रहेको उनले बताए ।