अ
+
अ
अ
-
पोखरा– १३ औँ दक्षिण एसियाली खेलकुद (साग) अन्तर्गत महिला फुटबलमा नेपाल फाइनल प्रवेश गरेको छ।
पोखरा रंगशालामा बिहीबार भएको खेलमा सावित्रा भण्डारीको ह्याट्रिकसँगै नेपालले माल्दिभ्सलाई ३–० ले पराजित गर्दै फाइनलमा स्थान बनाएको हो।
नेपालले १६ औँ मिनेटमा सावित्राको गोलसँगै अग्रता बनाएको थियो।
सावित्राले खेलको १६ औँ मिनेट, २० औँ मिनेट र खेलको इन्जुरी समयमा गोल गर्दै ह्याट्रिक पूरा गरेकी हुन्।
यस्तै सावित्राले सर्वाधिक गोल गर्ने खेलाडीको कीर्तिमानसमेत बनाएकी छन्।उनले पूर्वकप्तान अनु लामाको नाममा रहेको कीर्तिमान तोडेकी हुन्।
यसअघि यो कीर्तिमान ३५ गोलसहित नेपाली राष्ट्रिय महिला टोलीकी पूर्वकप्तान अनु लामाको नाममा थियो। सावित्राकाे गाेल संख्या ३७ पुगेकाे छ।
नेपालले अब साेमबार स्वर्णपदकका लागि भारतसँग खेल्नेछ।
भर्खरै
लोकप्रिय
