काठमाडौँ– १३ औँ दक्षिण एसियाली खेलकुद (साग) अन्तर्गत नेपाली पौडीवाज गौरिका सिंहले शुक्रबार महिलातर्फको २०० मिटर ‘व्याक स्ट्रोक’मा स्वर्णका लागि प्रतिस्पर्धा गर्दैछिन्।
प्रतियोगितामा ६ देशका ८ जना खेलाडीले स्वर्णका लागि प्रतिस्पर्धा गर्दैछन्।
गौरिकाले बिहीबार पौडीको २०० मिटर सिंगल इभेन्टमा नेपाललाई ऐतिहासिक स्वर्ण दिलाएकी दिलाएकी थिइन्।
उक्त स्वर्ण दक्षिण एसियाली खेलकुदको पौडीमा नेपालको जितेको पहिलो स्वर्ण हो। बिहीबार भएको सिंगल इभेन्ट अन्तर्गत २०० मिटर फ्री स्टाइलमा गौरिकाले पहिलो स्वर्ण जितेकी थिइन्।
गौरिकाले भारतकी सुभांगी सिंह र श्रीलंकाकी गंगा सेनलाई पछि पार्दै स्वर्ण हात पारेकी थिइन्। उनले निर्धारित दूरी २ मिनेट ०५.०६ सेकेन्डमा लक्ष्य पूरा गरेर स्वर्ण जितेकी थिइन्।
गौरीकाले दक्षिण एसियाली खेलकुदका लागि १२ वटा स्पर्धामा प्रतिष्पर्धा गरिरहेकी छन्।
भर्खरै
लोकप्रिय
