अ
+
अ
अ
-
पोखरा– १३ औँ दक्षिण एसियाली खेलकुद (साग) अन्तर्गत महिला क्रिकेटमा श्रीलंकालाई पराजित गर्दै बंगलादेशले स्वर्ण पदक जितेको छ।
आइतबार पोखरा रंगशालामा भएको फाइनलमा श्रीलंकालाई २ रनले पराजित गर्दै बंगलादेशले स्वर्ण हात पारेको हो।
पहिले व्याटिङ गरेको बंगलादेशले निर्धारित २० ओभरमा ८ विकेटको क्षतिमा ९१ रन बनाएको थियो।
बंगलादेशका लागि निगर सुल्तानाले २९, सन्जिदा इस्लाम र फातिमा खातुनले समान १५ तथा मुर्शिदा खातुनले १४ रन बनाए।
९२ रनको लक्ष्य पछ्याएर जवाफी व्याटिङ उत्रिएको श्रीलंकाले निर्धारित २० ओभरमा ९ विकेटको क्षतिमा ८९ रन मात्रै बनाउन सक्यो।
श्रीलंकाका लागि कप्तान हर्सिता माधवीले ३२ र लिहिनी अप्सराले २५ रन जोडे पनि आफ्नो टोलीलाई जित दिलाउन सकिनन्।
नेपाल भने महिला क्रिकेटमा कास्यमा सिमित भएको छ।
भर्खरै
लोकप्रिय
